اسلام آباد(سپورٹس ڈیسک)نسیم شاہ کی جگہ حسن علی کو کرکٹ ولڈ کپ کیلئے اسکواڈ میں شامل کیے جانے کا امکان ہے۔ پاکستان شاہینز کے محمد حسنین بھی انجرڈ ہوگئے۔
”پاکستان ٹائم “کے طابق ذرائع نے بتایا کہ فاسٹ بولر حسن علی کا ورلڈکپ لیے قومی اسکواڈ میں شامل ہونے کا قوی امکان ہے۔ ذائع نے یہ بھی بتایا کہ نسیم شاہ کی جائزہ رپورٹ حوصلہ افزاءنہیں آئی، نسیم شاہ کی جگہ حسن علی کو اسکواڈ میں شامل کیا جا سکتا ہے۔حسن علی کے اسکواڈ میں شامل ہونے کی صورت میں زمان خان ٹریولنگ ریزروز میں شامل ہو سکتے ہیں۔ذرائع کا کہنا ہے کہ ورلڈکپ کےلیے 15 رکنی اسکواڈ کا اعلان کل کیا جائے گا، تین ٹریولنگ ریزروز کے ناموں کا بھی اعلان کیا جائے گا۔ چیف سلیکٹر انضمام الحق قومی اسکواڈ کا اعلان کریں گے۔ذرائع کا کہنا ہے کہ محمد حسنین کا ٹخنے کی انجری کے باعث ایشین گیمز سے باہر ہونے کا امکان ہے۔
یہ بھی پڑھیں:ابوظبی ٹی 10 میں کسی قسم کی بدعنوانی برداشت نہیں کی جائے گی،انتظامیہ کا دوٹوک اعلان
