لاہور(کامرس رپورٹر) چینی کی قیمتوں میں ہوشربا اضافے کے بعدحکومت کی بھی آنکھ کھل گئی اور چینی کی ذخیرہ اندوزی کرنے والوں کی بھی فہرستیں تیار کرلی گئیں ،صوبائی حکومت کو ایک ہفتے میں کریک ڈائون کر کے چینی قیمت کم کرنے کا ہدف دیدیا گیا۔ ذرائع نے بتایا ہے کہ چینی کا کاروبار کرنے والوں کا 6 ماہ کا ڈیٹا حاصل کر لیا گیا ہے اور چینی ذخیرہ اندوزی کرنے والوں کی بھی فہرستیں تیار کرکے آپریشن شروع کردیا گیا ہے، سیکرٹری خوراک اور کین کمشنر ٹاسک فورس کے انچارج ہوں گے۔ذرائع کے مطابق پنجاب بھر کے کمشنرز اور ڈپٹی کمشنرز ان کی ہدایات پر عمل کے پابند ہوں گے، اسمگلنگ پوائنٹس پربھی ناکہ بندی سخت کردی گئی ۔
یہ بھی پڑھیں:سسرکی واپسی، مریم نوازکے شوہر کیپٹن (ر) صفدر کا بیان بھی آگیا
