بلوچستان (کامرس رپورٹر)آٹے کی قیمتوں میں مزید اضافہ 20 کلو کی بوری 100 روپے کے اضافے کے بعد 3 ہزار جبکہ 50 کلو کی بوری 7 ہزار پانچ سو روپے کی سطح پر پہنچ گئی ہے ۔
یہ بھی پڑھیں:پنجاب ٹورازم اسکواڈ مری سیاحوں کی مدد اور رہنمائی کے لیے پیش پیش
”پاکستان ٹائم ”کے مطابق فلور ملز مالکان نے کہا ہے کہ بلوچستان کی گندم دیگر علاقوں میں اسمگل کی جارہی ہے، ہم اوپن مارکیٹ سے خریدنے پر مجبورہیں، اگر حکومت سمگرز مافیا کو روکنے میں کامیاب ہو جاتی ہے تو اسی صورت ہی قیمتوں میں کمی آسکتی ہے.فلور ملز مالکان نے مزید کہا کہ اگر موجودہ صورتحال برقرار جوں کی توں رہی تو پھر آنے والے دنوں میں آٹے کی قیمتوں میں مزید اضافہ ہو گا۔دوسری جانب ملک بھر کے یوٹیلٹی سٹورز پر بھی آٹے کی قیمت ملک میں آٹے کے نرخوں کی اوسط قیمت سے بھی بڑھ گئی ہے، یوٹیلٹی سٹورز پر وزیراعظم ریلیف پیکج کے تحت سبسڈی ختم کرنے کے انتہائی منفی اثرات سامنے آئے ہیں۔عام صارفین کو 10 کلو آٹے کا تھیلا 772 روپے مہنگا ملے گا جس کی قیمت 1420 روپے تک پہنچ گئی ہے۔20 کلو آٹے کا تھیلا 2840 روپے کا ملے گا۔عام صارفین کیلئے پہلے 20 کلو آٹے کا تھیلا 1296 روپے کا تھا۔
