فلوریڈا(سپورٹس ڈیسک)ویسٹ انڈیز نے بھارت کو دھول چٹاتے ہوئے ٹی 20سیریز میں ہندوستانی سورماوں کو بدترین شکست سے دوچار کرتے ہوئے نئی تاریخ رقم کر دی۔
یہ بھی پڑھیں:ویرات کوہلی بابر اعظم کے دیوانے،ایسی بات کہہ دی کہ پاکستانی شائقین جھوم اٹھیں
”پاکستان ٹائم“ کے مطابق ویسٹ انڈین کرکٹ ٹیم نے 7 سال میں پہلی مرتبہ بھارتی کرکٹ ٹیم کو ٹی 20 سیریز میں شکست دے کر دنیائے کرکٹ میں تاریخ رقم کر دی۔بھارت اور ویسٹ انڈیز کے درمیان فلوریڈا کے بروورڈ کاونٹی سٹیڈیم میں سیریز کا فیصلہ کن ٹی ٹوئنٹی میچ کھیلا گیا۔میچ میں بھارت کی مایوس کن کارکردگی کے باعث ویسٹ انڈیز نے بھارت کو با آسانی 8 وکٹوں سے ہرا کر سیریز تین دو سے جیت لی۔سیریز کے پانچویں میچ میں بھارت نے ٹاس جیت کر بیٹنگ کا فیصلہ کیا۔بھارت کی جانب سے سوریا کمار یادو نے 61 رنز کی اننگز کھیل کر لڑکھڑاتی بیٹنگ لائن اپ کو سنبھالا دیا۔بھارتی بلے باز تلک ورما 24 اور ہاردک پانڈیا صرف 14 رنز بنا کر پویلین واپس لوٹ گئے۔بھارت کے 165 رنز کے جواب میں ویسٹ انڈیز کے اوپنر برینڈن کنگ نے شاندار بیٹنگ کا مظاہر کیا۔برینڈن کنگ نے 55 گیندوں پر 85 رنز کی ناقابلِ شکست اننگز کھیلی جبکہ انکا ساتھ نکلولس پورن نے دیا جو 47 رنز بنا کر آوٹ ہوئے۔سیریز کے اس آخری میچ کے دوران بارش کے باعث کھیل روکنا پڑا لیکن جب کھیل دوبارہ شروع ہوا تو کنگ نے شائی ہوپ کے ساتھ مل کر ہدف 18 اوور میں دو وکٹ پر حاصل کر لیا۔
