سری نگر(بیورو رپورٹ )مقبوضہ کشمیر میں پیراملٹری فورس کے ایک اور اہلکار نے کم ہمتی اور ذہنی دباو کے باعث خود کو گولی مار کر اپنی زندگی کا خاتمہ کر لیا۔
یہ بھی پڑھیں:مودی کا ہندوستان عیسائیوں کیلئے جہنم بن گیا ، سب سے بڑی جمہوریت کا دعویدار بے نقاب
کشمیر میڈیا سروس کے مطابق جنت نظیر وادی کے ضلع پلواما میں ایک فوجی بیس میں فائرنگ کی آواز سے افسران اور اہلکاروں کی دوڑیں لگ گئیں۔ جائے وقوعہ پر ایک اہلکار کی سر میں گولی لگی خون میں لت پت لاش پڑی تھی۔ لاش کے قریب سرکاری رائفل بھی تھی،نیم فوجی دستے سینٹرل ریزرو پولیس فورس کے اہلکار کی لاش کو ساتھی اہلکار ملٹری ہسپتال لے کر گئے جہاں ڈاکٹرز نے موت کی تصدیق کر دی۔لاش کے پاس سے خودکشی نوٹ نہیں ملا تاہم گولی جس اینگل سے لگی تھی اس سے ثابت ہوتا ہے کہ اہلکار نے اپنے سر پر خود گولی ماری۔خودکشی کی وجہ کا تعین نہیں ہو سکا۔بھارتی فوج کے ترجمان نے بتایا کہ لاش کو ضروری کارروائی کے بعد آبائی گاوں منتقل کر دیا گیا۔واقعے کی تحقیقات کے لیے انکوائری کمیٹی تشکیل دیدی۔واضح رہے کہ مقبوضہ کشمیر میں ذہنی دباو اور کم ہمتی کے باعث بھارتی فوج کے 600 کے قریب اہلکار اور افسران خودکشی کر چکے ہیں۔
