ریاض(مانیٹرنگ ڈیسک) پاکستان ویمنز فٹبال ٹیم کی کپتان ماریہ خان کا سعودی عرب کے فٹبال کلب ایسٹرن فلیمز سے معاہدہ ہوگیا۔
نجی ٹی وی کے مطابق ماریہ خان سعودی عرب میں پروفیشنل فٹ بال لیگ کھیلنے والی پہلی پاکستانی خاتون فٹ بالرہونگی،سعودی فٹ بال کلب نے ماریہ خان سے معاہدے کی تصدیق کرتے ہوئے ان کی تصاویر بھی شیئر کر دی ہیں،ترجمان ایسٹرن فلیمز کلب کے مطابق ماریہ خان سے معاہدے کا مقصد سعودی پریمیئر لیگ کے نئے سیزن کے لیے مضبوط ٹیم تیار کرنا ہے۔ کلب میں کولمبیا، الجزائر اور مراکش کی فٹبالرز بھی شامل ہیں۔ماریہ خان کوپچھلے سال خواتین کی قومی فٹ بال ٹیم کا کپتان بنایا گیا تھا۔
یہ بھی پڑھیں : منگول ڈربی ریس میں پاکستانی گھڑ سواروں کی شاندار کامیابی
