پشاور(بزنس رپورٹر)بقایا جات کی عدم ادائیگی پر بس ریپڈ ٹرانزٹ کو چلانے والی نجی کمپنی نے ایک بار پھر بی آر ٹی بسیں روکنے کی دھمکی دے دی اور اس سلسلے میں سیکریٹری ٹرانسپورٹ کو خط بھی لکھ دیا۔
پاکستان ٹائم کے مطابق خط میں کہا گیا ہے کہ مئی اور جون کے 60کروڑ 30لاکھ روپے بقایا جات ادا نہیں کیے گئے، بقایا جات کی عدم ادائیگی سے بس سروس کو برقرار رکھنا متاثر ہوسکتا ہے،خط میں متنبہ کیا گیا ہے کہ ایک ہفتے کے اندر بقایاجات کی ادائیگی کی جائے، ادائیگی نہ ہونے کی صورت میں بی آر ٹی آپریشنز معطل کیا جاسکتا ہے۔
