کراچی(سپورٹس رپورٹر)قومی کرکٹ ٹیم کے مایہ ناز وکٹ کیپر محمد رضوان بھی سویڈن میں قرآن کریم کی بے حرمتی پر تڑپ اٹھے،درد سے بھرے الفاظ پر مبنی پیغام جاری کرتے ہوئے مسلمانوں کے دل موہ لئے۔
”پاکستان ٹائم “ کے مطابق مائیکرو بلاگنگ ویب سائٹ پر اپنے پیغام میں وکٹ کیپر بلے باز محمد رضوان کا کہنا تھا کہ قرآن پاک کی بے حرمتی تو دور کی بات کوئی ایسا سوچ بھی نہیں سکتا،بحیثیت مسلمان ہم سب مذاہب کا احترام کرتے ہیں اور یہ جانتے ہیں کہ مذاہب کے ماننے والوں کے احسا س جڑے ہوتے ہیں لہذا جس طرح ہم دوسروں کے مذاہب کا احترام کرتے ہیں ویسے ہی دوسروں سے اسلام کے احترام کی درخواست کرتے ہیں۔محمد رضوان نے لکھا کہ قرآن پاک اللہ سبحان تعالیٰ کی طرف سے پوری انسانیت کے لیے رہنمائی ہے۔ہر مسلمان نے قرآن پاک کی آیات کو اپنے دل میں محفوظ کر رکھا ہے اور اس قدر محفوظ چیز کو نقصان پہنچانا صرف اس وقت ہی ممکن ہو سکتا ہے جب اس کا محافظ اسے دل سے نکال دے۔
یاد رہے کہ محمد رضوان نہ صرف کرکٹ کے لیے بلکہ اسلام سے اپنی محبت کے لیے بھی جانے جاتے ہیں ،ان سوشل میڈیا پر بہت سی پوسٹس شیئر ہوتی ہے جس میں انہیں نماز پڑھتے ہوئے دیکھا جاتا ہے۔حال ہی میں محمد رضوان نے لندن میں سڑک پر نماز ادا کی تھی جس کی ویڈیو او ر تصاویر سوشل میڈیا پر جنگل میں آگ کی طرح پھیل گئی تھی،محمد رضوان اسلام کے حوالے سے وقتا فوقتا اپنے سوشل میڈیا اکاﺅنٹس سے بات کرتے رہتے ہیں۔
Quran is a word of guidance for the whole Humanity from Allah Subhanahu wa Ta'ala and every Muslim has preserved the Ayahs in their hearts.
And henceforth, damaging of much protected word seems possible only after the termination of its protectors. Let alone the desecration of… pic.twitter.com/pFaXie8y3e— Muhammad Rizwan (@iMRizwanPak) July 8, 2023
