انقرہ (مانیٹرنگ ڈیسک ) ترکیہ کے صدر رجب طیب اردوان نے یوکرین کو نیٹو ممبر شپ کا حقدار قراردیدیا اور اپنی حمایت کی یقین دہانی کراتے ہوئے جنگ کے خاتمے کے لیے کاوشوں پر زور دیا۔
یوکرینی ہم منصب ولودومیر زیلنسکی کے ہمراہ پریس کانفرنس سے خطاب کرتے ہوئے طیب اردوان نے روس اور یوکرین کے درمیان جاری جنگ کے خاتمے کے لیے امن اقدامات کی واپسی کے لیے زور دیا اور کہا کہ اس میں کوئی شک نہیں ہیکہ یوکرین نیٹو ممبر شپ کا حقدارہے تاہم دونوں ملکوں کو امن مذاکرات کی طرف لوٹنا چاہیے،ایک منصفانہ امن کوئی شکست پیدا نہیں کرتا۔
