اسلام آباد ، لاہور (سپورٹس رپورٹر)پاکستان کرکٹ بورڈ میں مبینہ بے ضابطگیوں کے سلسلے میں بورڈ نجم سیٹھی کی سربراہی میں کام کرنیوالی منیجمنٹ کمیٹی کے ریکارڈ کی فراہمی سے گریزاں ہے جبکہ وفاقی حکومت نے پاکستان کرکٹ بورڈ منیجمنٹ کمیٹی دور کا تمام ریکارڈ چار جولائی تک فراہم کرنے کی ہدایت کردی۔
پاکستان ٹائم کے مطابق وفاقی حکومت نے پی سی بی چیف آپریٹنگ آفیسر سلمان نصیر کو دوبارہ یادھانی کا خط لکھ دیا جس میں نجم سیٹھی دور میں منیجمنٹ کمیٹی کی بھرتیوں کے تمام ریکارڈ، کوچز سمیت کنٹریکٹ اور مستقل بنیادوں پر رکھے گے تمام افراد کا ڈیٹا فراہم کرنے کی ہدایت کی گی ہے۔
خط میں کہا گیا کہ پی سی بی منیجمنٹ کمیٹی کے دور میں اخراجات کے تمام ریکارڈ کی فراہمی یقینی بنائی جائے، نجم سیٹھی دور میں ہونیوالے معاہدوں ، منیجمنٹ کمیٹی کے ممبران پر اٹھنے والے اخراجات کی تفصیلات بھی فراہم کی جائے، اس سے قبل وزارت بین الصوبائی رابطہ یادھانی خطوط16مئی، 2، 13، 22جون کوبھی لکھ چکی ہے۔
