اسلام آباد(کامرس رپورٹر)وفاقی حکومت کی جانب یکم جولائی سے اعلان کردہ تونائی بچت پلان سے 8 ہزار میگاواٹ بجلی اور قومی خزانے کو سالانہ 438 ارب روپے کی بچت ہو گی۔
دستاویزات کے مطابق غیرمعیاری پنکھوں پر ڈیوٹی سے حکومت کو 15 ارب کا ٹیکس ملے گا،غیرمعیاری بلب کی تیاری درآمد پرپابندی سے23 ارب کا ریونیو ملے گا۔ای بائیک سے86 ارب،بلب کے بجائے ایل ای ڈی لائٹ استعمال سے23 ارب کی بچت ہو گی۔حکام کے مطابق مارکیٹیں 4 گھنٹے پہلے بند کرنے سے 62 ارب روپے، 20 فیصد سٹاف کو ورک فراہم ہوم کی اجازت سے 56 ارب کی بچت ہو گی جبکہ گیزر میں کونیکل بفلز کے استعمال سے 25 فیصد گیس بچے گی۔پاکستان کو اس مد میں سالانہ 92 ارب کی بچت ہوگی۔خیال رہے کہ وفاقی حکومت نے 6 جون کو قومی اقتصادی کونسل کے اجلاس میں توانائی بچت پلان کے تحت ملک بھر میں دکانیں اور کمرشل ایریاز رات 8 بجے بند کرنے کا فیصلہ کر لیا تھا۔
