لاہور (مانیٹرنگ ڈیسک) شوگر ایک موذی مرض ہے جو بڑی تیزی سے ساتھ دنیا کو اپنی لپیٹ میں لیتا جا رہا ہے،شوگر کنٹرول کرنے کے لیے لوگ دوائیوں پر انحصار کرتے ہیں لیکن آپ انسولین پلانٹ کے پتوں سے بھی شوگر کو کنٹرول کرسکتے ہیں۔
غیر ملکی میڈیا کے مطابق بھارتی ریاست حیدرآباد کے ایک سافٹ پروفیشنل موتمری سندیپ ان لوگوں میں سے ایک ہیں جو انسولین پلانٹ کی افادیت پر یقین رکھتے ہیں جس کے بعد انہوں نے اپنی شوگر پر قابو پانے کے لئے یہ پودے اپنے گھر کی چھت پر اگانا شروع کر دیئے ہیں۔سندیپ کا دعویٰ ہے کہ وہ انسولین پلانٹ کے پتے باقاعدگی سے استعمال کررہے ہیں۔ اس طرح وہ پچھلے سات سالوں سے اپنے شوگر لیول کو کنٹرول میں رکھنے میں کامیاب رہے ہیں۔ نتیجتاً، ان کا دعویٰ ہے کہ انہوں نے ذیابیطس کے لئے دوائیں لینی چھوڑ دی ہیں۔
یہ بھی پڑھیں :بچپن میں مطالعہ کی عادت بچے میں بہترین صلاحیتوں کی ضامن
ان کا کہنا ہے کہ انسولین پلانٹ کو اگانے میں تقریباً چار ماہ لگتے ہیں۔ اس کے پتے نہ صرف شوگر لیول کو کنٹرول میں رکھتے ہیں بلکہ قبض، کھانسی، سردی، پھیپھڑوں کی مختلف بیماریوں اور جلد کے انفیکشن سے نمٹنے میں بھی کارآمد ثابت ہوتے ہیں۔ان کادعویٰ ہے کہ ان سے معلومات لیکر بہت سے لوگوں نے بھی یہی طریقہ علاج شروع کیا ہے جس سے انہیں فائدہ ہوا ہے اور ان کے خون میں شکر کی سطح کنٹرول میں آچکی ہے،سندیپ کا کہنا ہے کہ لوگوں کو روزانہ صرف 2 پتوں سے زیادہ نہیں کھانا چاہئے، ایک پتہ صبح اور ایک پتہ شام کافی ہے۔
