اسلام آباد ( مانیٹرنگ ڈیسک)حکومت کی پالیسیوں سے تنگ پیپلزپارٹی راستے الگ کرنے کی تیاریاں کرنے لگی۔
نجی ٹی وی کے مطابق پیپلز پارٹی نے عید کے بعد حکومت کو بڑا سرپرائز دینے کی تیاریاں مکمل کرلی ہیں اور امکان ظاہر کیا جارہا ہے کہ حکومت سے علیحدگی اختیار کر لی جائیگی۔ ذرائع کے مطابق اس صورت میں پیپلز پارٹی کو پنجاب میں اینٹی نواز ووٹ ملنے کی امید ہے۔ وفاقی بجٹ کی منظوری کے بعد پیپلز پارٹی کا حکمران اتحاد سے علیحدگی کا امکان ہے، آصف علی زرداری نے حکمران اتحاد سے علیحدگی کے حوالے سے پارٹی رہنماﺅں سے مشاورت شروع کر دی ہے۔
