کراچی (مانیٹرنگ ڈیسک)وزیر خارجہ بلاول بھٹو نے کہا ہے کہ پاکستان کو اس وقت معاشی اور دیگر بڑے مسائل کا سامنا ہے،ہمیں ان مسائل سے نکلنا ہے تو سیاست سے نفرت اور تقسیم کا خاتمہ ضروری ہے۔
کراچی میں یونیورسٹی کانووکیشن سے خطاب کرتے ہوئے انہوں نے کہا کہ ہم سب کو غربت اور بیروزگاری کا ملکر مقابلہ کرنا ہے ،نوجوان نسل ہماری امید ہے،ہماری منزل خوشحالی اور ترقی ہے۔پیپلز پارٹی جمہوریت پر یقین رکھتی ہے ،ہمیں نوجوانوں کو تشدد پر اکسانے والوں کو روکنا ہو گا۔
