بھارت میں دل کے ہزاروں آپریشنز کرنیوالا ڈاکٹر خودہارٹ اٹیک سے چل بسا

نئی دہلی(ہیلتھ رپورٹر)بھارتی گجرات سے تعلق رکھنے والے معروف کارڈیالوجسٹ حرکت قلب بند ہونے سے انتقال کرگئے، ڈاکٹر گاندھی نے اپنے طبی کیرئیر میں 16ہزار سے زیادہ دل کی سرجریز کیں جو کامیاب رہیں۔
بھارتی میڈیا کی رپورٹس کے مطابق گجرات کے شہر جام نگر کے رہائشی 41سالہ ڈاکٹر گوروو گاندھی رات کو سوتے میں دل کا دورہ پڑنے سے جان کی بازی ہار گئے، ڈاکٹر گوروو گاندھی کی یوں اچانک موت پر ان کے دوست احباب سمیت ہسپتال گہرے صدمے میں ہے، ا?نجہانی ڈاکٹر کا شمار بہترین کارڈیالوجسٹس میں ہوتا تھا اور ان کی عمر اتنی زیادہ نہیں تھی۔

سب سے معتبر اور سب سے مستند خبروں، ویڈیوز اور تجزیوں کے لیے ”پاکستان ٹائم‘ کے فیس بک اور ٹوئٹر پیج کا وزٹ کریں
پولیس کا کہنا ہے کہ گورووگاندھی کی موت معمول کا دن گزارنے کے بعد نیند میں ہوئی، وہ معمول کے مطابق پیر کی شب تمام مریضوں کو دیکھنے کے بعد ہسپتال سے گھر چلے گئے تھے۔