اسلام آباد(مانیٹرنگ ڈیسک) وفاقی بجٹ میں زیادہ آمدنی دکھانے والوں کو ٹیکس رعایت دینے کے لئے فلوٹنگ ٹیکس ریٹ متعارف کرانے کی تجویز دیدی گئی۔نجی ٹی وی کے مطابق بجٹ میں زیادہ آمدن ظاہر کرنے پر کم شرح سے ٹیکس لگانے سمیت پراپرٹی، جائیداد اور اثاثوں کی مالیت زیادہ ظاہر کرنے پر کم ٹیکس کی تجویز دی گئی ہے،
مجوزہ اسکیم کے تحت زیادہ آمدنی دکھانے پر ٹیکس کم ہوتا جائے گا، پاکستان میں لوگ ٹیکس بچانے کیلئے آمدنی چھپاتے ہیں، کم ٹیکس لگانے پر زیادہ لوگ ٹیکس ریٹرن فائل کریں گے۔ دنیا کے کئی ممالک میں زیادہ آمدنی ظاہر کرنے والوں سے کم ٹیکس لیا جاتا ہے۔
