ٹوکیو(مانیٹرنگ ڈیسک)جاپان بھر میں غیر معمولی بارشوں کا سلسلہ دو دن سے جاری ہے، جس نے معمولات زندگی کو معطل کر کے رکھ دیا،انٹرنیٹ اور بجلی تاحال بحال نہیں ہو سکی۔
غیر ملکی میڈیا کے مطابق جاپان میں ہونے والی طوفانی بارشوں نے تباہی مچا دی ہے،بارشوں کے نتیجے میں اب تک تین ہلاکتیں اور زحمی افراد کی تعداد 20 سے زائد رپورٹ کی گئی ہے،بارش کے ساتھ تیز ہواوں کی وجہ سے جاپان بھر کی فلائیٹس کنسل ہوگئی ہیں۔اس صورتحال میں بلٹ ٹرین کوعارضی طور پر بند کردیا گیا تھا جسے بعد میں بحال کر دیا گیا ہے،ہزاروں مسافر اب بھی سٹیشنوں اور ائیرپورٹ پر پھنسے ہوئے ہیں۔کئی شہروں میں انٹرنیٹ اور بجلی تاحال بحال نہیں ہوا،نشیبی علاقوں سے پانی کو نکالا جا رہا ہے جبکہ علاقوں میں لینڈ سلائیڈ کی بھی اطلاعات ہیں۔پانی کا دباو بہت زیادہ ہونے کی وجہ سے حکومت کی طرف سے اعلانات کئے جارہے ہیں کہ لوگ دریا کے پاس جانے سے اجتناب کریں۔
مزید پڑھیں:ترکیہ کے نو منتخب صدر رجب طیب اردوان نے حلف اٹھا لیا،شہباز شریف بھی تقریب میں شریک
