اسلام آباد(وقائع نگار خصوصی)وفاقی حکومت نے دل کی بند شریانیں کھولنے کے لیے استعمال ہونے والے سٹنٹ کی قیمتوں میں اضافہ کر دیا ہے۔
ڈریپ کے نوٹیفکیشن کے مطابق امریکہ میں تیار کردہ زینکس ایکس پیڈیشن کی قیمت ایک لاکھ 34 ہزار 369 روپے ہو گئی ہے۔زینکس پرائم کی قیمت 86 ہزار 711روپے،ریزولیٹ اونکس کی قیمت ایک لاکھ 24 ہزار 654 روپے،ڈریپ کے مطابق ریزولیٹ انٹگریٹی کی قیمت 58 ہزار 851 روپے، پروموس پریمیر کی قیمت 75 ہزار 846 روپے کر دی گئی ہے۔ڈریپ کی جانب سے جاری نوٹیفکیشن کے مطابق پروموس ایلیمنٹ پلس 64 ہزار 844 روپے،اوسیریو کی قیمت ایک لاکھ 23 ہزار 602 روپے،فائر ہاک کی قیمت 63 ہزار 205 روپے،بی ایم ایس انگریٹی کی قیمت 24 ہزار 580 روپے،زلمس کی قیمت 80 ہزار 529 روپے،بائیو میٹرکس الفا سٹنٹ کی قیمت ایک لاکھ 19 ہزار 388 روپے،بائیو میٹرکس نیوفلیکس سٹنٹ 86 ہزار 147 اور اسٹنٹ زوکون کی قیمت 58 ہزار 992 روپے مقرر کی گئی ہے۔
