لاہور(سپورٹس رپورٹر ) انجری کے شکار پاکستان کے نامور فاسٹ بالر حسن علی نے کہا کہ وہ اس سال کے آخر میں بھارت میں شیڈول ون ڈے ورلڈ کپ 2023 کے لیے قومی سکواڈ کا حصہ ہوں گے، قومی ٹیم میں ان کی ممکنہ واپسی کے بارے میں پوچھے جانے پر حسن علی نے موجودہ بولنگ لائن اپ کی وجہ سے ریڈ بال اسکواڈ میں واپسی کے بارے میں غیر یقینی کا اظہار کیا۔ اپنے انٹرویو میں 28 سالہ نوجوان پیسر نے کہا کہ “میں اس وقت ورلڈ کپ 2023 کے سکواڈ میں اپنی سلیکشن تصور نہیں کر رہا ہوں، لیکن کوئی بھی کبھی یہ اندازہ نہیں لگا سکتا کہ کب موقع ملے گا تاہم وہ کسی بھی ذمہ داری کے لیے تیار رہیں گے اور ملک کی فتوحات میں اپنا حصہ ڈالنے کی پوری کوشش کریں گے۔ حسن علی نے پاکستان کے لیے اپنا آخری ون ڈے گزشتہ سال جون میں ویسٹ انڈیز کے خلاف سیریز میں کھیلا تھا اور ان کا آخری ٹیسٹ اس سال جنوری میں نیوزی لینڈ کے خلاف تھا۔
