بلاول بھٹو کا بھی چیف جسٹس سے استعفے کا مطالبہ

کراچی(وقائع نگار خصوصی)پاکستان پیپلزپارٹی کے چیئرمین اوروزیرخارجہ بلاول بھٹوزرداری نے بھی چیف جسٹس سپریم کورٹ جسٹس عمرعطا بندیال سے مستعفی ہونے کا مطالبہ کرتے ہوئے کہا ہے کہ چیف جسٹس عدالت کوٹھیک نہیں کرسکتے توکسی اورکوذمہ داری دیں۔
”پاکستان ٹائم“ کے مطابق مائیکرو بلاگنگ ویب سائٹ پر ٹویٹ کرتے ہوئے بلاول بھٹو زرداری نے کہا کہ جسٹس اطہرمن اللہ کے نوٹ کیساتھ اب4ججزریکارڈپرہیںاوریہ واضح ہے کہ چیف جسٹس کی رائے اقلیتی فیصلہ ہے،3ممبران کا فیصلہ اس کاغذکےقابل نہیں جس پرلکھاگیاہے۔انہوں نے کہاچیف جسٹس کو غیرآئینی بینچ فکسنگ کوکالعدم کرنے کیلئے کارروائی کرنی چاہیے، اس سے ہی سپریم کورٹ کا وقار بحال ہو سکتا ہے،چیف جسٹس عدالت کوٹھیک نہیں کرسکتے توکسی اورکوذمہ داری دیں۔دریں اثنا پیپلز پارٹی کی کور کمیٹی کا اجلاس سابق صدر آصف علی زرداری اور بلاول بھٹو زرداری کی زیر صدارت ہوا،جس میں نیئر حسین بخاری، وزیراعلیٰ سندھ سید مراد علی شاہ ،شازیہ عطاءمری ،فرحت اللہ بابر، فیصل کریم کنڈی سمیت دیگر نے شرکت کی۔اجلاس کے اعلامیہ کے مطابق سپریم کورٹ کا اکثریتی فیصلہ ہی نافذ العمل ہونا چاہیے ، اکثریت پراقلیتی فیصلہ مسلط کرنا قانونی،اخلاقی اورسیاسی لحاظ سےدرست نہیں،موجودہ سیاسی بحران کی سب سے بڑی وجہ اکثریت کومستردکرکے اقلیتی فیصلے مسلط کرنا ہے، اقلیتی فیصلے پرنظرثانی کی ضرورت ہے،عدلیہ کاوقاراوراحترام کسی بھی صورت مجروح نہیں ہونا چاہیے،ضرورت اس بات کی ہےعدلیہ اپنےمتنازعہ فیصلوں کوفوری طورپرحل کرے۔اعلامیہ کے مطابق صاف شفاف اورغیرجانبدارانتخابات کے لئے تمام اسمبلیوں کے انتخابات ایک ہی دن ہونے چاہیے،پیپلزپارٹی آئین کے مطابق وقت پرانتخابات چاہتی ہے،بحران کی کوئی وجہ نہیں بلکہ بہت ساری وجوہات ہیں۔اعلامیہ کے مطابق مذاکرات کے دروازے بند کرنا مسئلے کوئی حل نہیں، موجودہ سیاسی بحران کو مذاکرات کے ذریعے ہی حل کیا جاسکتا ہے، پیپلزپارٹی اتحادی جماعتوں سے رابطے کرے گی اورتمام اتحادی جماعتوں سے مشاورت کرکے مشترکہ لائحہ عمل مرتب کیاجائےگا۔

The 3 member decision is not worth the paper it is written on. If the CJP cannot get his court in order and remedy this mockery of justice then perhaps he should allow someone else to take the responsibility of CJP. 2/2

— BilawalBhuttoZardari (@BBhuttoZardari) April 7, 2023