کراچی (سٹاف رپورٹر) گورنر سندھ کامران ٹیسوری کے قافلے میں شامل سکیورٹی کی گاڑی کو ٹریفک حادثہ پیش آیا ہے ، جس سے 2 اہلکار زخمی ہو گئے ہیں ۔
”پاکستان ٹائم کے مطابق شاہین بخاری سگنل پر موڑ لینے کے دوران پرائیوٹ گاڑی کی ٹکر سے حادثہ پیش آیا جس کے سبب گاڑی سے گر کر2 پولیس اہلکار زخمی ہوگئے، زخمیوں میں42 سالہ کانسٹیبل وقاص اور 32 سالہ نعیم شامل ہیں، حادثے میں زخمی اہلکاروں کو طبی امداد کیلئے جناح ہسپتال منتقل کر دیا گیا، گورنرسندھ کامران ٹیسوری نے جناح ہسپتال پہنچ کر زخمی اہلکاروں کی عیادت کی۔
