مدینہ منورہ(ویب ڈیسک ) مسجد نبوی میں روضہ رسول ﷺکے اطراف لکڑی کے بنے حصار کو ہٹا کر سونے اور تانبے کے نئے حصار لگانے کے بعد افتتاح کر دیا گیا ہے ۔
”پاکستان ٹائم “نے عرب میڈیا کے حوالے سے تبایا کہ روضہ اطہرکے گرد نیا حصار87 میٹر لمبا اور ایک میٹر اونچا ہے، یہ الگ الگ یونٹس اور ٹھوس تانبے، پیتل اور سونے کے حصوں پر مشتمل ہے ، حرمین شریفین کے امور کی نگرانی کرنے والے ادارے کے صدر شیخ ڈاکٹر عبدالرحمن السدیس نے مسجد نبوی صلی اللہ علیہ وسلم میں روضہ مبارک کے اطراف تانبے اور سونے سے بنے نئے حصار کا افتتاح کیا۔
