شارجہ(مانیٹرنگ ڈیسک) پاکستان اور افغانستان کے درمیان 3میچوں پر مشتمل ٹی20 سیریز کی ٹرافی کی رونمائی کردی گئی ہے ۔
پاکستان ٹائم کے مطابق شارجہ کرکٹ گراو¿نڈ میں پاک افغان ٹی20 میچز کی سیریز کیلئے ٹرافی کی رونمائی میں دونوں ٹیموں کے کپتانوں شاداب خان اور راشد خان نے شرکت کی، سیریز کیلئے پیش کی گئی ٹرافی افغان فن و ثقافت اور کاریگری کا شاہکار ہے جسے ہاتھ سے تیار کیے گئے قالین سے بنایا گیا ہے۔
دوسری جانب دونوں ٹیموں کے درمیان سیریز کا آغاز آج سے ہوگا، پہلا میچ پاکستان وقت کے مطابق رات 9 بجے شروع ہوگا، افغانستان کے خلاف سیریز کیلئے پاکستان کو بیٹنگ کوچ محمد یوسف کی خدمات حاصل نہیں ہوں گی جبکہ فاسٹ بولر نسیم شاہ بھی نجی مصروفیات کے باعث دبئی میں موجود ہیں،قبل ازیں گزشتہ روز افغان کرکٹ ٹیم نے پاکستان کے خلاف اپنے سکواڈ کا اعلان کیا تھا، جس کیلئے لیگ سپنر راشد خان کو کپتان مقرر کیا گیا ہے۔
