واشنگٹن (مانیٹرنگ ڈیسک )امریکا نے 21 سال بعد مسلمان سعودی انجینئر کو بدنام زمانہ جیل گوانتاناموبے سے رہاکر دیا ہے ۔
”پاکستان ٹائم “کے مطابق امریکا نے گوانتاناموبے سے ایک اور اسیر کو رہا کردیا ہے جس کے بعد بدنام زمانہ جیل میں قیدیوں کی تعداد 31 رہ گئی، انسانیت سوز مظالم اور جانوروں سے بدتر سلوک کرنے کے لیے مشہور امریکی جیل گوانتاناموبے کے ایک اور قیدی کو 21 سال بعد رہائی مل گئی ہے ، امریکی محکمہ دفاع کی جانب سے جاری بیان میں تصدیق کی گئی ہے کہ رہائی پانے والے 48 سالہ سعودی انجینئر غسان الشبری ہیں جسے ان کے ملک سعودی عرب بھیج دیا گیا ہے۔
امریکی جیل میں 21 سال تک جبر و تشدد برداشت کرنے والے سعودی انجینئرپر کوئی الزام ثابت نہیں ہوسکا تھا، یادرہے کہ پینٹاگون ریویو بورڈ نے گزشتہ سال برس تصدیق کی تھی کہ سعودی انجینئر نہ تو القاعدہ کے اہم ذمہ دار ہیں اور نہ ہی سہولت کاری کے شواہد ملے ہیں۔
