نئی دہلی (مانیٹرنگ ڈیسک )بھارت کے سینئر اداکار ستیش کوشک 66 برس کی عمر میں حرکت قلب بند ہونے کے باعث انتقال کرگئے۔
پاکستان ٹائم کے آنجہانی اداکار کا انتقال نئی دہلی میں کار میں سفر کے دوران دل کا دورہ پڑنے سے ہوا، ستیش کوشک اپنی موت سے 2 روز قبل بھارتی نغمہ نگار جاوید اختر کے گھر ہولی منا رہے تھے، انہوں نے ٹوئٹر پر تصاویر بھی جاری کی تھیں, آنجہانی بھارتی اداکار ستیش کوشک 13 اپریل 1956 کو پیدا ہوئے، وہ ایک اداکار، ہدایت کار، پروڈیوسر، کامیڈین اور اسکرین رائٹر تھے۔
بھارتی میڈیا رپورٹس کے مطابق ستیش کوشک نے دہلی کے کیری مال کالج سے گریجویشن کیا اور نیشنل اسکول آف ڈرامہ اور فلم اینڈ ٹیلی ویڑن انسٹی ٹیوٹ آف انڈیا کے سابق طالب علم تھے، انہوں نے رام لکھن، ساجن چلے سسرال، جانے بھی دو یارو جیسی معروف فلموں میں کام کیا۔
ستیش کوشک نے متعدد فلموں کی ہدایت کاری بھی کی جن میں تیرے نام، مجھے کچھ کہنا ہے، کاغذ اور دیگر کئی فلمیں شامل ہیں۔
جاوید اختر نے ٹوئٹر پر لکھا کہ ستیش مزاح سے بھرپور بھر شخص تھے، ان کی میرے ساتھ چالیس سال تک دوستی تھی، وہ مجھ سے 12 سال چھوٹے تھے، ستیش دنیا سے جانے کی آپ کی باری نہیں تھی۔
